पूजा-पाठ आ स्मारिकाक प्रकाशनक संगहि भ' रहल अछि विभिन्न तरहक प्रतियोगिताक आयोजन :

मिथिलाचंलक लोक सब दिन सँ अपन असली सम्पत्ति ज्ञान अर्थात विद्या केँ मानैत रहल अछि आ विद्या कें देवी माँ सरस्वतीक कृपा आदि काल सँ एखन धरि सदैव मैथिल पर बनल छैक. तखने तँ मण्डन मिश्र-भारती आ उदयनाचार्य सँ ल' क' विद्यापति धरिक जन्म एतहि भेल.एकटा गप्प आओर महत्वपूर्ण अछि जे मिथिला सब दिने सँ भगवतीक उपासक रहल अछि आ समान्यतः मिथिलाक सभ घर मे बिना भगवती कें पूजा कयने कियो अन्न ग्रहण नहि करैत अछि..
दुर्गापूजा हम सब कते हर्षोउल्लास आ विधि विधान सँ मनबैत छी ई पूरा भारतवर्ष मे विख्यात अछि तहिना लक्ष्मी पूजा, सरस्वती पूजा आ आन आन पूजा. चाहे हम सब कत्तौ रहि दिल्ली पटना या चाहे मुंबई, सब ठाम एहि तरहक पूजा सभहक आयोजन हम मैथिल निश्चित रूप सँ करिते टा छी एहि क्रममे दिल्ली महानगर मे जगह-जगह विभिन्न मैथिल संगठन द्वारा सरस्वती पूजाक आयोजन कएल जाइत अछि. जाहि मे " विद्यापति मैथिल युवा मंच" बिनोद नगर, मंडावलीच सरस्वती पूजा प्रमुख आ दर्शनीय होइछ.. ई संस्था पछिला 14 बर्ख सँ दिल्ली मे सरस्वती पूजाक आयोजन सफलता पूर्वक करैत आबि रहल अछि. पूजा-पाठ तँ धूम-धाम सँ करिते अछि, स्मारिकाक  प्रकाशन सेहो करैत अछि..संगे-संग विभिन्न प्रकारक वाद-विवाद, चित्रकारी एंव गीत-नादक प्रतियोगता फसबहक आयोजन सेहो करैत अछि.
मैथिल विद्यापति मंचक एहि बेरूक कार्यक्रमक रूप-रेखा निम्न प्रकारे अछि :-

पहिल दिनक पूर्व चयन दिनांक-२४ जनवरी २०१६ क’ संस्था संचालित शिक्षा केंद्र (वी.एम.वाइ.एम. एकेडमी) पर राखल गेल जकर विवरण एहि प्रकारे अछि :

प्रश्नोत्तरी प्रतियोगिता चयन समिति : भरत झा, पशुपति नाथ झा,सरोज चौधरी आ संतोष चौधरी कक्षा : ६ आ ७ (जूनियर समूह) कुल आवेदित फॉर्म : ११० कक्षा : ८ आ ९ (सीनियर समूह) कुल आवेदित फॉर्म : १२० प्रश्न संख्या : ३०/ प्रत्येक प्रश्नक मान समान प्रश्न प्रारूप : संख्या १ स’ २५ वैकल्पिक एवं २६ स’ ३० रिक्त स्थान पूर्ति समय सीमा : अधिकतम ४० मिनट

उपरोक्त प्रतियोगी में स’ १२ टा जूनियर आर १२ टा सीनियर समूह में स’ चयनित छात्र/छात्राक मौखिक जाँच मंच पर आ उपस्थित दर्शकक सोझा हुनक प्रतिभाक आधार पर हएत आ अंतिम निर्णय के रूपमे दुन्नू समूह स’ छ’-छ’ टा प्रतियोगीकें पुरस्कृत कएल जाएत.

दोसर दिनक पूर्व चयन दिनांक-३१ जनवरी २०१६ क’ पूर्वी दिल्ली नगर निगम प्रतिभा बाल/बालिका विद्यालय,मंडावलीक मनोरंजन गृह मे राखल गेल जकर विवरण एहि प्रकारे अछि :

गायन प्रतियोगिता निर्णायक : दीपक ठाकुर आ राजीव रंजन झा (रॉकस्टार) कक्षा : ६ आ ७ (जूनियर समूह) कुल आवेदित फॉर्म : ७५ कक्षा : ८ आ ९ (सीनियर समूह) कुल आवेदित फॉर्म : ८०

उपरोक्त प्रतियोगी में स’ ३ टा जूनियर आर ३ टा सीनियर समूह में स’ चयनित छात्र/छात्राक अंतिम चयन मंच पर आ उपस्थित दर्शकक सोझा हुनक प्रतिभाक आधार पर हएत आ अंतिम निर्णय के रूपमे दुन्नू समूह स’ प्रथम,द्वितीय आ तृतीय स्थानक प्रतियोगीकें पुरस्कृत कएल जाएत.

नृत्य प्रतियोगिता

निर्णायिक : पुष्पा झा आ कोमल सिंह कक्षा : ६ आ ७ (जूनियर समूह) कुल आवेदित फॉर्म : १४० कक्षा : ८ आ ९ (सीनियर समूह) कुल आवेदित फॉर्म : १२५

उपरोक्त प्रतियोगी में स’ ७ टा जूनियर आर ७ टा सीनियर समूह में स’ चयनित छात्र/छात्राक अंतिम चयन मंच पर आ उपस्थित दर्शकक सोझा हुनक प्रतिभाक आधार पर हएत आ अंतिम निर्णय के रूपमे दुन्नू समूह स’ प्रथम,द्वितीय आ तृतीय स्थानक प्रतियोगीकें पुरस्कृत कएल जाएत.

चित्रकला प्रतियोगिता

एहि मे आवेदित कुल छात्र/छात्राक सहभागिता ओ अंतिम निर्णय पूजा पंडाल परिसर मे हएत. कक्षा : ६ आ ७ (जूनियर समूह)

कुल आवेदित फॉर्म : १६० कक्षा : ८ आ ९ (सीनियर समूह) कुल आवेदित फॉर्म : १५५

(मनीष झा बौआभाइ द्वारा पठाओल समाद पर आधारित)